ПУЉА
Авион/ 7 дена/ 6 ноќевања

Пуља е сместена на петата од италијанската чизма, на крајниот југоисток на Апенинскиот Полуостров. Богатата историја, прекрасните плажи, сликовитите гратчиња, префинетата автентична италијанска храна и вино се само некои од причините поради кои треба да се посети. Пуља е вистинска дестинација за гурманите, љубителите на културата, активностите на отворено и прекрасната природа. Позната е по одличното маслиново масло, вино, сирењето моцарела, тестените, а нејзините пејзажи се исто толку импресивни, како и самата локална гастрономија.

16 Јуни (Недела) СКОПЈЕ – ТИРАНА – БАРИ
Состанок на групата на договореното место во 04:15 часот и трансфер до Аеродромот во Тирана. Полетување за Бари во 11:35 и слетување во 12:45 часот. Трансфер до хотелот и сместување. Разглед на главниот град на регионот Пуља – Бари, чија најпозната знаменитост е базиликата Св. Никола. Во близина се наоѓа и катедралата изградена во византиски стил, а постојат и остатоци од норманската тврдина. Во самиот центар се наоѓаат и театрите Петруцели и Маргерита... Прошетка по Променадата Лунгомаре Императоре Аугусто, совршено место за уживање во шармот на Бари. Ноќевање.

17 Јуни (Понеделник) БАРИ – АЛБЕРОБЕЛО
Појадок. Препорачуваме факултативна прошетка до Алберобело, едно посебно и единствено место со типичните куќи ‘’Trulli‘’ со конусни кровови, без материјал за врзување, исклучиво направени од неправилни парчиња камен. Овде ќе имате чувство како да сте на снимање на некој цртан филм. Шармантното, романтично и единствено место е заштитено од УНЕСКО. Препорачуваме да се изгубите во малите улички и да уживате во привлечниот свет на убавината. Враќање во хотелот во Бари во вечерните часови. Ноќевање.

18 Јуни (Вторник) БАРИ – АЛТАМУРА - МАТЕРА
Појадок. Целодневен факултативен излет во Алтамура и бисерот на регионот Базиликата, градот Матера. Алтамура е светски позната по палеонтолошкото наоѓалиште „човек од Алтамура“, калцифицирани остатоци стари околу 170.000 години, а пронајдени во блиската варовничка пештера. Разглед на средновековниот центар и посета на катедралата Санта Мариа Асунта. Кратко возење до познатата Матера, исклучително живописен град изграден на варовнички карпи полни со подземни ходници и пештери. Поинаква од останатите италијански гратчиња, Матера со својата архитектура, повеќе потсетува на Блискиот исток отколку на Европа. Матера е навистина посебна затоа што значаен дел од градот е вклопен во самите карпи. Разглед на стариот дел од градот, кој е под заштита на УНЕСКО - Саси ди Матера, прошетка по Сасо Барисано со богато украсени портали и Сасо Кавеосо како некој театар, куќи во пештери кои степенасто се спуштаат кон градот. Во текот на разгледот ќе прошетаме по Пјаца Виторио Венето, катедралата, фонтаната на љубовта... Токму поради нејзиниот изглед, многу често се користела како локација за снимање филмови, меѓу кои и Пасија на познатиот глумец и режисер Мел Гибсон. Враќање во Бари во вечерните часови. Ноќевање.

19 Јуни (Среда) БАРИ – ХОТЕЛ LIDO TORRE EGNATIA МОНОПОЛИ
Појадок. Организиран превоз до Хотел Lido Torre Egnazia и сместување. Слободни време за уживање покрај море. Вечера. Ноќевање.
20 – 21 Јуни (Четврток и Петок) ХОТЕЛ LIDO TORRE EGNATIA МОНОПОЛИ
Појадок. Слободни денови за уживање на плажа. Вечера. Ноќевање.

22 Јуни (Сабота) ХОТЕЛ – ПОЛИЊАНО А МАРЕ – БАРИ - ТИРАНА – СКОПЈЕ
Појадок. Слободно претпладне за уживање на плажа. Препорачуваме факултативна посета на Полињано а Маре, за многумина едно од најубавите приморски гратчиња во Пуља. Ова е една од најважните антички населби, а до денес, гратчето успеало да ја задржи автентичноста и шармот. Камените улици, мирните плоштади и мистичните морски пештери даваат посебна магија. Во градот се наоѓа скулптура на кантавторот Доменико Модуњо и скалите Воларе, по неговиот голем хит, кои водат до панорамската точка на карпата од која се пружа прекрасен поглед на градот и плажата. Трансфер до Аеродромот во Бари. Полетување за Тирана во 23:05, слетување во 23:55 часот и трансфер до Скопје.

ЦЕНА НА АРАНЖМАНОТ: 777 евра (48.175 денари)

ВО ЦЕНАТА НА АРАНЖМАНОТ Е ВКЛУЧЕНО:
-Авионски превоз на релација Тирана-Бари-Тирана со вклучени аеродромски такси
-Рачен багаж (1 торба/ранец со димензии 40х30х20cm до 10kg)
-Трансфер на релација Скопје-Тирана-Скопје
-Трансфери на релација Аеродром – Хотел и обратно, како и трансфер од едниот до другиот хотел
-Сместување во Хотел B&B Hotel Bari Rondò 3* во Бари, на база 3 ноќевања со појадок
-Сместување во Хотел Lido Torre Egnazia 3* во Монополи, на база 3 полупансиони, појадок и вечера, со вклучени лежалки на плажата
-Организирани прошетки според програмата
-Организација на аранжманот и придружник на патувањето

ВО ЦЕНАТА НА АРАНЖМАНОТ НЕ Е ВКЛУЧЕНО:
-Доплата за уште 1 торба/куфер за рачен багаж со димензии 55х40х23cm (со максимум 10kg)
-Доплата за куфер за чекирање со максимум 10kg или 20kg
-Туристичка такса (се плаќа во хотелите на рецепција)
-Факултативни излети, со локален превоз и водич
-Алберобело 45 евра
-Алтамура и Матера 45 евра
-Полињано а Маре 45 евра
-Влезници во музеите и културно историските споменици
-Билети за јавен превоз
-Патничко – здравствено осигурување

НАПОМЕНИ:

За реализација на аранжманот потребен е минимум од 15 патници
За овој аранжман важат Опшите услови за патување на СКТМ
Цените се дадени во евра, уплата се врши исклучиво во денарска противвредност по курс 1 евро = 62 денари

Пасошот треба да важи минимум 3 месеци по завршувањето на патувањето